+995 32 237 10 07
ორშ. – შაბ. 09:00 18:00

პასკა


პასკა


საქართველოში 1968-1990 წლებში არსებობდა 4 საკონდიტრო ფაბრიკა, ესენია: საწარმოო გაერთიანება „თბილკონდიტერი“ წარმადობით 28 ათასი ტონა წელიწადში. ქუთაისის საკონდიტრო ფაბრიკა წარმადობით 10 ათასი ტონა წელიწადში. სოხუმის საკონდიტრო ფაბრიკა წარმადობით 10 ათასი ტონა წელიწადში. ბათუმის საკონდიტრო ფაბრიკა წარმადობით 8 ათასი ტონა წელიწადში.

საქართველოს საკონდიტრო მრეწველობამ თავისი განვითარების მწვერვალს 1985-1990 წლებში მიაღწია და მთლიანად საქართველოში წელიწადში იწარმოებოდა 56 ათასი ტონა საკონდიტრო ნაწარმი, რომლის 30% ექსპორტზეც კი გადიოდა შუა აზიის რესპუბლიკებში და შორეულ ჩრდილოეთში (რუსეთი).

კაკაოს მარცვალი საქართველოში შემოდიოდა საზღვარგარეთიდან, რომელსაც ამუშავებდა საწარმოო გაერთიანება „თბილკონდიტერი“ და დამზადებულ ნახევარფაბრიკატებს: შოკოლადის ჭიქურას, კაკაოს ზეთს და კაკაოს ფხვნილს თვითონაც  იყენებდა. მოთხოვნილების მიხედვით აწვდიდა ქუთაისის, სოხუმის და ბათუმის საკონდიტრო ფაბრიკებს.

საქართველოში იწარმოებოდა შემდეგი დასახელების ჯგუფური ასორტიმენტი:

1.

შოკოლადი და შოკოლადის ნაწარმი (ფილა, შოკოლადის სხვადასხვა სახეობის ნაკრებები);

2.

კანფეტი;

3.

კარამელი;

4.

ირისი;

5.

დრაჟე;

6.

მარმელადი;

7.

ზეფირი;

8.

ხალვა;

9.

შაქროვანი ნამცხვარი;

10.

კექსი, რულეტი, პასკა;

11.

ტორტები;

12.

კრეკერი;

13.

ვაფლი;

14.

აღმოსალური ტკბილეული (მათ შორის: გრილიაჟი, გოზინაყი, ნუგა).

საკონდიტრო ფაბრიკაში „ტკბილი ქვეყანა“ მუშაობის პერიოდში 2007 წელს შეიქმნა პროფესიონალთა სამუშაო ჯგუფი შემადგენლობით:

დავით ჩხენკელი - გენერალური დირექტორი

მანანა ჩაგელიშვილი - მთავარი ტექნოლოგი

ელისო ჩანტლაძე - ტექნოლოგი

დავით ხელაშვილი - მთავარი ინჟინერი

ამ ჯგუფმა მიზნად დაისახა საქართველოში საკონდიტრო ფაბრიკების მიერ წარმოებული ზოგიერთი მივიწყებული ტრადიციული ასორტიმეტის აღდგენა და ახალ საწარმო „ტკბილი ქვეყანა“-ში დანერგვა.

შემუშავდა სამუშაო გეგმა:

1.

ასორტიმენტის შერჩევა;

2.

რეცეპტურისა და ტექნოლოგიის დამუშავება საწარმოო პროცესების ტექნოლოგიური ნაკადურობების გათვალისწინებით, რომელიც მანამდე ზოგიერთ ასორტიმენტზე არ არსებობდა;

3.

ასორტიმენტის წარმოებაში დანერგვა.

შერჩეული ასორტიმენტია:

1.

პასკა;

2.

გოზინაყი;

3.

კანფეტი გრილიაჟი შოკოლადში;

4.

ნუგა, ნუგა შოკოლადში.

 

პასკა - ტექნოლოგია უწყვეტი ნაკადურობის გათვალისწინებით

 

1.

ნედლეულის მომზადება ფაზების მიხედვით;

2.

ცომის მოზელვა;

3.

ცომის დაყოვნება ამოსაფუებლად;

4.

ცომის დაფორმება ფორმებში;

5.

დაფორმებული ცომის დაყოვნება ამოსაფუებლად სპეციალურ დასაყოვნებელში (ტექნოლოგიური ინსტრუქციის შესაბამისი პარამეტრების: ტემპერატურისა და ჰაერის ფარდობითი ტენიანობის მაჩვენებლების მკაცრი დაცვით);

6.

ცხობა;

7.

გაცივება;

8.

გაფორმება;

9.

დაფასოება;

10.

შეფუთვა.

აღნიშნული უწყვეტი ტექნოლოგიური პროცესით პასკის დამზადების ტექნოლოგიის დანერგვა საქართველოში პირველად შეძლო საწარმო „ტკბილმა ქვეყანამ“, რითაც  მთლიანად გამოირიცხა ტექნოლოგიური  პარამეტრების დარღვევა, რაც,  რა თქმა უნდა, უმაღლესი ხარისხის პროდუქციის  წარმოების საწინდარია.

და მართლაც ასე იყო. ამას მოწმობდა მომხმარებელთა მადლობები და აღფრთოვანებები წერილობით, თუ სატელეფონი ზარებით, რომ პასკა იყო უგემრიელესი და ულამაზესი. ზოგიერთი მომხმარებელი საწარმოშიც კი მოდიოდა, რომ დარწმუნებულიყო, რომ ასეთი დახვეწილი უწყვეტი ტექნოლოგიური პროცესით შეიძლებოდა პასკის დამზადება.

ამასთან ერთად საწარმოში იყო სანიტარულ-ჰიგიენური მდგომარეობის სისტემატიური კონტროლი სურსათის უვნებლობის სამსახურის მოთხოვნების მკაცრი დაცვით.

ყოველივე ზემოაღნიშნულიდან გამომდინარე მომხმარებელს დღესაც ახსოვს იმდროინდელი პასკის გემოვნური თვისებები და დიზაინი, რომელიც არ შეცვლილა. და დღესაც მისი მომხმარებლები „ტკბილი ქვეყნის“ მიერ გამოშვებული სააღდგომო-სადღესასწაულო უგემრიელესი, სხვადასხვა ზომის  და დიზაინის პასკის ერთგულნი დარჩნენ.

 

მანანა  ჩაგელიშვილი 

პურ-ფუნთუშეულისა და საკონდიტრო მრეწველობის   ტექნოლოგი.